Tystysgrif lefel 2 mewn ymarfer corff a Ffitrwydd
Nod
Yn y Gampfa
Mae’r cymhwyster hwn wedi’i anelu at ddysgwyr sydd am ddilyn gyrfa yn y diwydiant chwaraeon a ffitrwydd fel hyfforddwr ffitrwydd yng nghyd-destun ymarfer corff sydd yn y gampfa.
Bydd Dysgwyr yn cwmpasu’r canlynol:
- anatomi a ffisioleg, gan gynnwys:
– y galon a system cylchrediad y gwaed
– y system anadlol
– strwythur a swyddogaeth yr ysgerbwd
– y system gyhyrysgerbydol
– sadrwydd osgo a chraidd
– y systemau nerfol ac egni a’u perthynas ag ymarfer corff - sut i gynnal iechyd, diogelwch a llesiant mewn amrywiaeth o amgylcheddau ffitrwydd, gan gynnwys diogelu plant ac oedolion sy’n agored i niwed
- sut i raglennu ymarfer corff diogel ac effeithiol i amrywiaeth o gleientiaid, buddiannau iechyd gweithgarwch corfforol a phwysigrwydd bwyta’n iach
- sut i gyfathrebu â chleientiaid yn effeithiol ac ysgogi cleientiaid i ddal ati a dilyn rhaglen ymarfer corff
- y sgiliau a’r wybodaeth sydd eu hangen i gynllunio a pharatoi rhaglen ymarfer corff sydd yn y gampfa gydag oedolion sy’n ymddangos yn iach – unigolion ac mewn grwpiau. Gall hyn gynnwys pobl ifanc rhwng 14 a 16 oed, ar yr amod eu bod yn rhan o grŵp mwy o oedolion. Mae’r grwpiau cleientiaid sydd hefyd yn cael eu cwmpasu yn cynnwys oedolion hŷn, cleientiaid cynenedigol ac ôl-enedigol a chleientiaid anabl, ar yr amod y caiff y gwrtharwyddion perthnasol a’r canllawiau diogelwch allweddol eu dilyn
Hyfforddiant Cylchol
Nod y cymhwyster hwn yw darparu’r wybodaeth, dealltwriaeth a’r sgiliau sydd eu hangen ar ddysgwyr i gynllunio a chynnal sesiynau hyfforddiant cylchol i grwpiau.
Bydd Dysgwyr yn cwmpasu’r canlynol:
- anatomi a ffisioleg gan gwmpasu system y galon system cylchrediad y gwaed, y system anadlol, strwythur a swyddogaeth yr ysgerbwd, y system gyhyrysgerbydol, sadrwydd osgo a chraidd, y systemau nerfol ac egni a’u perthynas ag ymarfer corff
- sut i gynnal iechyd, diogelwch a llesiant mewn amrywiaeth o amgylcheddau ffitrwydd, gan gynnwys diogelu plant ac oedolion sy’n agored i niwed
- sut i gyfathrebu â chleientiaid yn effeithiol ac ysgogi cleientiaid i ddal ati a dilyn rhaglen ymarfer corff
- dealltwriaeth o fuddiannau deiet cytbwys a sut y mae’n cyfrannu at ffordd iach o fyw
- dealltwriaeth o egwyddorion gwasanaeth cwsmeriaid
- sut i gynllunio a pharatoi sesiynau hyfforddiant cylchol i grwpiau
- sut i gynnal sesiynau hyfforddiant cylchol i grwpiau
Corff Dyfarnu:
