I BWY Y MAENT?

Mae prentisiaethau ar gael i unrhyw un dros 16 oed, sy’n gallu ennill Cymhwyster Lefel 2 ac sydd eisoes yn gweithio yn y diwydiant ffitrwydd a hamdden, fel y gallwch dderbyn dechreuwr newydd neu hyfforddi cyflogeion presennol. Mae cyllid ar gael tuag at gost hyfforddi ac asesu.

BETH YW'R BUDDIANNAU I CHI?

• Mae prentisiaethau yn sicrhau bod gennych y sgiliau ymarferol a’r cymwysterau sydd eu hangen ar y sefydliad nawr ac yn y dyfodol.
• Mae’r cymysgedd o ddysgu yn y swydd â’r tu allan i’r gweithle yn sicrhau eich bod yn dysgu’r sgiliau sy’n gweithio orau i’r busnes rydym am ymuno ag ef.
• Mae dros 130,000 o gwmnïau yn cynnig lleoliadau prentisiaeth ledled y DU oherwydd maent yn deall y buddiannau y mae prentisiaethau yn eu cynnig i’w busnes.
• Maent yn gwella eich cynhyrchiant, yn gwella cystadleurwydd ac mae prentisiaethau yn arwain at weithlu ymrwymedig a chymwys sy’n deall sut mae busnesau yn gweithredu.
• Mae dros chwarter busnesau’r DU yn dweud bod y ffurf hon ar hyfforddiant galwedigaethol yn rhagori ar unrhyw gymhwyster arall.

”Dechreuais ar fy nhaith prentisiaeth gyda MPCT yn 2015 i ddatblygu fy ngwybodaeth a fy nghymhwysedd yn y diwydiant ymarfer corff a ffitrwydd. Dwi bob amser wedi bod yn frwdfrydig am ffitrwydd ac roedd hyn yn gyfle gwych i ddatblygu fy ngyrfa. Fel rhiant, roedd y cyfle i ennill wrth ddysgu yn addas i’m ffordd o fyw.

Yn ystod fy mhrentisiaeth, nid yn unig enillais gymwysterau ym maes ymarfer corff a ffitrwydd ond hefyd dysgais sut i’w cynhwyso’n hyderus yn fy ngwaith bob dydd. Unwaith roedd fy mhrentisiaeth sylfaen wedi’i chwblhau roeddwn yn gallu symud ymlaen i’r fframwaith Hyfforddwr Personol Lefel 3 gyda MPCT. Mae hyn wedi fy ngalluogi i sefydlu nifer o ddosbarthiadau newydd yn y ganolfan hamdden, a’r uchafbwynt oedd y dosbarth Mam a’i Baban.

Rwy’n argymell hyfforddiant prentisiaeth yn fawr oherwydd y sgiliau ymarferol y gallwch eu datblygu mewn amgylchedd gwaith go iawn. Roeddwn yn teimlo fy mod yn cael fy nghefnogi drwy gydol y rhaglen brentisiaeth gan MPCT a fy nghyflogwr.

Yn 2017 enillais wobr Prentis y Flwyddyn MPCT yn y seremoni wobrwyo flynyddol. Roedd hyn yn achlysur arbennig iawn i mi a fy nheulu.”

Emma Thomas, Canolfan Hamdden y Bont-faen

“Dechreuais fy hyfforddiant gyda MPCT ar y rhaglen Academi Chwaraeon yn RhCT. Gwnaeth y cwrs fy helpu drwy wella fy sgiliau cyflogadwyedd yng nghyd-destun chwaraeon a hamdden llesol. Tra roeddwn gyda’r academi roeddwn yn rhan o’r rhaglen i fyfyrwyr Dawnus a Thalentog, a wnaeth fy ngalluogi i gael cyfleoedd lleoliad gwaith ac i ennill cymwysterau a gydnabyddir gan y diwydiant ymarfer corff a ffitrwydd.

Yna, gyda’r cymwysterau hyn cofrestrais â Rhaglen Brentisiaeth MPCT a chael swydd yn J2 Health and Fitness. Tra’n cwblhau fy fframwaith prentisiaeth, rwyf hefyd wedi ennill cymwysterau ychwanegol y tu allan i’r fframwaith gyda MPCT mewn hyfforddiant cylchol a sbin sydd wedi galluogi fy nghyflogwr i gynyddu amrywiaeth y dosbarthiadau.

Y cam nesaf i mi yw dechrau fy Mhrentisiaeth Lefel 3 mewn Hyfforddiant Personol. Rwy’n edrych ymlaen yn fawr at hyn am fy mod yn mwynhau gweld unigolion yn datblygu.”

McCauley Britton, J2 Health and Fitness

SUT Y GALLAF WNEUD CAIS?

Ffoniwch ni ar 0330 111 3939 i drafod cyfleoedd prentisiaeth.